"أصلك حبيبتى يا مصر "

بقدم اعتذارى لعنيكى يا حلوه

لما طال انتظارى عملت ميت غنوه

ناديت بعلو الصوت عشان تجاوبينى

و لما ما جاوبتيش فكرتها قسوه





أنا قلت مش ممكن هيا اللى حبتها

هيا اللى بيها طرت و عنيا عشقتها

أديها حب و وفا تقابلنى بخيانه

مغصوبه تعمل كدا ولا بإرادتها



سألت كل الناس و لا حد ريحنى

قولولى بس أساس الظلم دابحنى

كأنى كنت بقول و هما مش سامعين

إزاى أكون عاشق و حبيبتى تجرحنى



مشيت و أنا شارد تايه هنا وعدى

و قلبى عودته ياخد و لا يدى

لحد ما قابلتها و عنيها مكسوره

بتقولى مغصوبه صدقنى مش قصدى



دلوقتى أنا جايلك عشان تسامحينى

أصلك حبيبتى يا مصر قلبى و نور عينى

أنا بوعدك راح أكون على قد أحلامك

و أنك تكونى التاج اللى على جبينى

شكرا على الرباعيات

العاشق الولهان