أخبار لسانك إيه ؟؟!!

أخبار لسانك إيه ؟


يعني عارف تسيطر على لسانك ولا بتشتم عادي ؟

ولسه مش واخد بالك اننا في رمضان وبتتحاسب على كل كلمة بتخرج من فمك

طيب إيه رأيكم نقرر من النهارده نعف لسانا ؟

لازم نخلى بالنا من كل كلمة بتخرج من فمنا لان ربنا سبحانه وتعالى هيحسبنا

على كل ذلة لسان






طيب حد عارف الحديث ده ؟

عن عبد الله بن عمرو رضي الله عنهما قال قال رسول الله صلى الله عليه وسلم :

إن من أكبر الكبائر أن يلعن الرجل والديه قيل يا رسول الله وكيف يلعن الرجل

والديه قال يسب الرجل أبا الرجل فيسب أباه ويسب أمه - صحيح البخاري

يعني السب من الكبـــــــــــــــائر

!!!!!!!!!!!!!!!!!!!!!!

حتى لو قلتلي أنا بشتم بس لما بكون متعصب
أو مضايق طيب وده مبرر ؟

وحتى لو قولتلي لأ أنا بشتم بهزار ومش قصدي حاجه

يعني بقول ياحمار ياعبيط يا أهبل ..... ودي متعتبرش شتيمة

هقولك لأ كله شتيمة وكله هتتحاسب عليه




وهقولك كمان ....

أين الحلم أين الاقتداء بصفات
وخلق الرسول عليه أفضل الصلاة والسلام !!!


تعالوا نجرب بدل ما نشتم غيرنا ندعو له بالصلاح والهدايه
وبما ان لكل إنسان نصيب من دعوته فلما لا يكون هذا هو نصيبنا من الدعوة

ليه لأ تعالوا نجرب كده ... نجرب العفه في اللسان

لو حاسس انك مضايق من شخص وعايز تشتمه وكده هترتاح

لأ ... استنى وجرب تستغفر كده !! جرب قبل ما تطلع الشتيمة منك تقوله ربنا

يهديك ويرضى عنك

أنت كده دعتله وخدت الثواب مرتين

مره لما مسكت لسانك ومره لما دعتله

والله مفيش أجمل من كده جرب تعف لسانه حتى وأنت بتهزر مع أصدقائك بلاش

تهزر معاهم بالشتيمه والسباب






ولا نسيت حديث حبيبنا المصطفى عليه أفضل الصلاة والسلام

عن عبدالله بن مسعود قال : قال رسول الله : سباب المسلم فسوق ، وقتاله

كفر - صحيح البخاري

لو ادركنا خطورة حديث الرسول عليه أفضل الصلاة والسلام والله هنوقف السباب

والشتائم من دلوقتي

.
.

جرب تمسك نفسك لما تلاقى الشخص إللى قدامك مستفز وعمال يثير أعصابك

جرب تفتكر الرسول عليه أفضل الصلاة والسلام وتذكر انه قدوتنا في كل شئ

تذكر انه من قال فيه رب العاليمن

قال تعالى : وَإِنَّكَ لَعَلى خُلُقٍ عَظِيمٍ

.
.

حتى وأنت بتتناقش في موضوع و الموضوع ده مستفز

متغلطش ومتشتمش .. لانك مش بس بتاخد ذنوب ودي كبيره من الكبائر لأ

وكمان بتخلي غيرك يشارك في الغلط ده

.
.

سمعت مره الشيخ بيقول في الراديو نجرب الاستغفار والتعوذ بالله من الشيطان

الرجيم في لحظة الغضب بدل الشتيمه .. حتى في الهزار "أي المزاح" ليه

بنشوف شباب كتير بيهزروا مع بعض بالشتائم !!!

.
.

يلا بينــــــــــا نبطل شتيمة ليل ونهار ونرجع العفه في لسانا

خلي كل إللي بيخرج من فمك تؤجر عليه ولا تأثم عليه

ربنا يتقبل منا جميعاً ويرضى عنـــــــــا

اللهم اجعلنا ممن يستمعون القول فيتبعون احسنه

.
.


أختكم في الله